Қазақстан халқы Ассамблеясы

27 Тамыз, 2021

77

СҚО ЭМБ өкілдері «Мектепке жол» акциясына қатысты

Солтүстік Қазақстан облысының Достық үйінің этномәдени бірлестіктері «Мектепке жол» республикалық акциясына қатысты.

Солтүстік Қазақстан облысы Қазақстан халқы Ассамблеясы белсенділерінің күшімен Петропавл қаласының бірнеше көп балалы отбасылары үшін мектепке қажетті кеңсе тауарлары мен рюкзактар, аяқ киім сатып алынды.


Аталмыш акцияға Солтүстік Қазақстан облыстық татар-башқұрт «Дуслык» қоғамдық орталығы, «Қазақстанның орыс қауымдастығы» қоғамдық бірлестігінің Солтүстік Қазақстан облыстық филиалы (Землячество), Солтүстік Қазақстан облысының «Сомониен Север» тәжік қауымдастығы, «Солтүстік Қазақстан облыстық еврей этномәдени бірлестігі», «Urpaq» қазақ мәдени-ағарту орталығы, «Радзіма» Солтүстік Қазақстан облыстық белорус мәдени орталығы, «HANGUG QAZAQSTAN» қоғамдық бірлестігі, «Сібір казактарының бауырластығы»., «Солтүстік Қазақстан облыстық әзірбайжан мәдениетінің орталығы», «Түрік мәдениеті» қоғамдық бірлестігі, «Солтүстік Қазақстан облысы бойынша украин мәдени орталығы», «Қазақстанның орыс, славян және казак ұйымдарының қауымдастығы» заңды тұлғалар бірлестігінің Солтүстік Қазақстан филиалы, «Коперник» Солтүстік Қазақстан облыстық поляк мәдени орталығы белсенді қатысты.

Кездесуде «Urpaq» қазақ мәдени-ағарту орталығы қоғамдық бірлестігінің төрайымы Г.Н. Мұсабаева отбасылық қарым-қатынастың және сапалы білім алу қажеттілігінің маңыздылығын атап өтті.

Семидоцких Елена Александровна Солтүстік Қазақстан облысының іскер әйелдер қауымдастығының төрайымы, «Қазақстанның орыс, славян және казак ұйымдарының қауымдастығы» заңды тұлғалар бірлестігінің Солтүстік Қазақстан облыстық филиалының белсендісі өзінің этномәдени бірлестігі жыл сайын «Мектепке жол» қайырымдылық акциясына қатысатынын айтты.

Кейін қарай