31 шілде күні ҚР Президенті жанындағы Қазақстан стратегиялық зерттеулер институты ғимаратында «Ақпараттық-коммуникациялық технология және мемлекеттік тіл» деген тақырыпта дөңгелек үстел өткізілді.

31 шілде күні ҚР Президенті жанындағы Қазақстан стратегиялық зерттеулер институты ғимаратында «Ақпараттық-коммуникациялық технология және мемлекеттік тіл» деген тақырыпта дөңгелек үстел өткізілді.

«Дегдар» қоғамдық келісімді қолдау қоры мен ҚР Мәдениет және спорт министрлігінің Тілдерді дамыту және қоғамдық-саяси жұмыс комитеті бірлесе ұйымдастырған іс-шараға мемлекеттік органдардың, ұлттық компаниялардың мемлекеттік тілді дамытуға жауапты қызметкерлері, мемлекеттік тілді дамыту институттары мен мекемелері, қорлары, тіл жанашырлары, ақпараттық технология мамандары, журналистер мен блогерлер қатысты. ҚР Президенті жанындағы «Қоғамдық келісім» РММ атынан мекеменің сарапшысы, Қазақстан Жазушылар одағының мүшесі К.Ә.Әлпейісова қатысты.

Дөңгелек үстелде қазақ тілін дамытуға үлес қосып жатқан әртүрлі жобаларға талдау жасалды. Сонымен бірге Қазақстанның интернет кеңістігінде жұмыс істейтін сайттардың санына, сапасына, контентіне жүргізілген мониторинг нәтижесі жария етілді.  Отандық ақпараттық кеңістікті, соның ішінде қазақ тілді ортаны одан әрі дамыту үшін осы бағыттағы жұмыстарды жетілдіру жолдары талқыланды. 

Өз сөзінде «Қоғамдық келісім» РММ сарапшысы К.Ә.Әлпейісова Қазақстан халқы Ассамблеясының қызметінде мемлекеттік тілді дамыту ісіне басым назар аударылатынын, мысалы, осы жылы 25-31 шілде күндері «Мың бала» жобасының аясында «Қоғамдық келісім» Алматы менеджмент университетінің «Ұлытау» жобасымен бірлесіп, «Тілдерді үйретудің инновациялық тәсілдері» атты тілдерді жеделдете оқытудың заманауи технологияларын әзірлеу және енгізу бойынша республикалық семинар-тренинг ұйымдастырғанын баяндады. Жиында айтылған мемлекеттік органдардың сайттарында қазақша контент заң талабына сәйкес келмейтіндігі, оларды толтырудағы кемшіліктер, грамматикалық қателердің көптігі туралы пікірге орай Қазақстан халқы Ассамблеясының сайты бұл талаптарды толығымен орындап отырғанын  атап көрсетті. 

Жиын барысында TIL-AUDIT.KZ сайтының таныстырылымы болды. Дөңгелек үстелдің қорытындысы бойынша мемлекеттік органдардың сайттарында қазақша контенттің заң талабына сәйкес келмеуін, сайттарды толтыруда кемшіліктерді, грамматикалық қателерді болдырмау мақсатында мемлекеттік органдарға ұсынымдар жасалды.

«Қоғамдық келісім» РММ Баспасөз қызметі

Кейін қарай