Облыс орталығындағы Достық пен келісім үйінде «Жаңа жылдық кәдесыйлар» тақырыбында көрме ашылды. Оны ұйымдастырған Қазақстан халқы Ақмола ассамблеясы жанындағы қолданбалы өнер шеберлері қауымдастығы. Іс-шара Жаңа жылдық шыршаның шамдарын салтанатты жағу рәсімінен басталды. Көрмеге облыс аумағындағы отызға жуық шебердің алты жүзге тарта туындысы қойылды. 

Облыс орталығындағы Достық пен келісім үйінде «Жаңа жылдық кәдесыйлар» тақырыбында көрме ашылды. Оны ұйымдастырған Қазақстан халқы Ақмола ассамблеясы жанындағы қолданбалы өнер шеберлері қауымдастығы. Іс-шара Жаңа жылдық шыршаның шамдарын салтанатты жағу рәсімінен басталды. Көрмеге облыс аумағындағы отызға жуық шебердің алты жүзге тарта туындысы қойылды.

Мұнда қыз келіншектердің әшекейінен бастап, оюлап жасаған төсеніштері, картиналар, небір түрлі қоржындар, жиналған көрерменнің көз жауын алады. Қауымдастық төрайымы Людмила Яродскаяның айтуынша, көрмеге қатысушы шеберлердің жасы шамамен он сегіз бен жетпіс бестің аралығында. Одан қалды шараға үйде бала күтіп отырған алты жас ана қатысып, сүйікті ісімен айналысу арқылы тиын-тебен табады екен. Солардың бірі Надежда Захарова шашқа арналған бұйымдар жасайды. Сөзге тартқанымызда, оның кішкентай кезінен қолөнерге құмар екендігін білдік.

Көрме бір апта бойы жұмыс істейді. Қонақтар мен келушілер шеберлер шығармашылығымен жете танысуға уақыт жеткілікті. Ал кәдесый алған азаматтар одан кейін осы жерде 27 желтоқсан күні сағат 13-те өтетін қорытынды іс-шараға қатысуға және ұтысқа қатысуға мүмкіндік алады.   

«Қоғамдық келісім»

мекемесінің баспасөз қызметі

Кейін қарай