2016 жылдың 27-ші қыркүйегінде Көкшетау қаласының  балалар мен жасөспірімдер кітапханасында биылғы жылдың 7-ші қыркүйегінде басталған «Шын жүректен» қайырымдылық науқанының және 2016 жылғы 29 қыркүйекте  басталатын қайырымдылық телемарафоны шеңберінде «Ризашылық, мейірім шын жүректен балаға» атты  қайырымдылық науқаны өтті.

Қайырымдылық науқанының мақсаты – өскелең ұрпақтың бойына жаны ашу, мұқтаж адамдарға көмекке келу, мейірімді, төзімді болу қасиеттерін сіңіру.

Іс-шараның қатысушылары – «Аялау» орталығындағы қимыл-тірек аппаратының ауытқуларына ұшыраған  мүгедек балалар, олардың тәрбиешілері, психоневрологиялық патологияға шалдыққан балалар, Көкшетау қаласындағы Назарбаев зияткерлік мектебінің 4-ші сынып оқушылары,  ата-аналар.

«Шын жүректен» республикалық телемарафонының бастамашысы Қазақстан халқы Ассамблеясының жанындағы Аналар кеңесі болып табылады.

ҚР білім беру саласының  құрметті  қызметкері, «Нұр Отан» партиясы филиалының қалалық кеңесінің мүшесі, Қазақстан халқы Ассамблеясының жанындағы Аналар кеңесінің төрағасы Зере Қыйықова «Шын жүректен» қайырымдылық науқанының екінші кезеңі туралы айтып берді.

Әзербайжан этномәдени орталығының өкілі, Аналар кеңесінің мүшесі Зенфира Новрузова балаларға сыйлықтар тапсырды.  

Жоғарыда аталған мүгедек балаларға арналған медициналық мекемелердің өкілдері Орынтай Қасенова және Эльмира Сайфутдинова жиналған қауымды өздерінде өтетін жұмыстармен таныстырды.

Өздерінің тәрбиешілерімен бірге келген мүмкіндіктері шектеулі дарынды балалар әндер айтып, өлеңдер оқыды, би биледі, шығармашылық жұмыстардың көрмесін ұсынды.

Көкшетау қаласындағы Назарбаев зияткерлік мектебінің 4-ші сынып оқушылары өздерінің мұғалімдері Баян Құлмағанбетова, Айнұр Сабдинамен және ата-аналарымен бірге,   мүгедек балаларға сыйлықтар беріп, оларға арнап тәтті тамақтарға толы дастархан жайды.

Бақыт Мұхамедрахимова-Тасова,

«Қоғамдық келісім»

КММ-нің баспасөз  хатшысы

Кейін қарай