Қарағанды облысы Бұқар жырау ауданы Теміртау қаласында басқарма басшысы Ерлан Құсайын этномәдени бірлестіктер және белсенді жастардың қатысуымен кездесу өткізді.

Ерлан Бейсембайұлы өз сөзінде этносаралық келісім мен жалпыұлттық бірлікті қамтамасыз ету ішкі саясат басқармасының қызметіндегі маңызды бағыт екендігін атап өтті. Сәйкесінше жүктелген жауап­­кер­шілік те жоғары деді ол.

- Бүгінде об­лыс­тық ішкі саясат басқармасы құрылымында этнос­ара­лық қатынастарды дамыту бо­­йынша бөлім құрылған. Бұл өз кезегінде тіл мәселесі, жас­тар ісі саясаты, үкіметтік емес ұйым­дар мен ақпараттық салада өзара ықпалдастықты дамытуға мүмкіндік береді, - деді.

Кездесуде қатысушылар этно­мә­дени бірлестіктердің Қазақстан халқы Ассамблеясы ХХІХ сессиясының нұсқау­ла­рын жүзеге асырудағы рөлі мен міндеттеріне, халықтың өзекті әлеу­­меттік мәселелерін шешуге, қа­йырымдылық пен ерікті­лердің нақты жобаларын іске асыру бары­сына тоқ­талды. Сондай-ақ, этномәдени бірлес­тік­термен өзара іс-қимылдың өзек­ті тұстары, мемлекеттік тіл мәртебесі де қарастырылды.

Сапар барысында “АрселорМитталТеміртау” АҚ базасында ашылған этномәдени орталық пен ҚХА кеңсесінің жұмысымен танысу өтті.

Теміртау жас белсенділерінің көшбасшысы Алена Хегай ілкімді жобалар жайлы, қазақ тілінің қолданылу аясын кеңейту мақсатындағы жоспарлармен бөлісті. Бұған қоса, Тәуелсіздіктің 30 жылдығына орай, металлургтер қаласында ашылатын Достық орталығы жайлы жақсы жаңалық айтылды. Орталықта Рухани жаңғыру кеңсесі, Үкіметтік емес ұйымдар, жастар ресурстық орталығы шоғырланатын болады.

Жұмыс сапары Осакаров, Абай аудандарында және Саран, Шахтинск қалаларында жалғасын табатын болады.

Кейін қарай