2016 жылғы  21 қыркүйекте  Ақтөбе облысының тілдерді дамыту басқармасының тапсырысымен, «Нұр-Отан» жастар қанатының қолдауымен «Нұрлы  Әлем»  қоғамдық  қоры «Тіл  тазалығы  үшін  күресеміз» акциясын ұйымдастырды.

Акция  мақсаты: өскелең ұрпақтың ана тіліне деген құрмет сезімін ояту, ұлтына, еліне деген сүйіспеншілігін арттыру, азаматтардың тіл саясаты туралы ақпараттану деңгейін көтеру, мемлекеттік тілге құрметпен қарауды қалыптастыру, тіл мәдениетін арттыру, қазақ тілінің мәртебесін көтеру.

«Тіл  тазалығы  үшін  күресеміз» акциясы автошеру түрінде өткізілді. Автошеру «Нұр Отан» партиясы» қоғамдық бірлестігі Ақтөбе облыстық филиалы ғимаратынан бастау алып, Әбілқайыр хан даңғылы, М.Мәметова көшелерінде, 312 атқыштар бригадасы, темір жол вокзалы, Ш.Уәлиханов көшесі, Абай даңғылы, басқа да ірі  көшелермен жүріп өтті.

Акция «Мега  Ақтөбе» сауда-ойын сауық орталығында жалғасын тауып, «Сапалы сауда», «Сәлемдесу», «Достық тірегі» тақырыбында мемлекеттік тілде сұхбаттасу, сұрақ-жауап, викторина түрінде өткізілді.

Акцияға Ақтөбе қаласының жастары, этномәдени бірлестіктердің жастары, ЖОО студенттері қатысты.

«Ақтөбе облысы әкімі аппараты» ММ-нің

«Қоғамдық келісім» КММ

баспасөз қызметі

Кейін қарай