ҚР Тәуелсіздігінің 25 жылдығы аясында ҚХА Маңғыстау облыстық хатшылығы басшылығы мен Маңғыстау облысы әкімі  аппаратының «Қоғамдық келісім» КММ-сінің қолдауымен «Чосон» корей этномәдени бірлестігі қарттар мерекесіне орай Маңғыстау гуманитарлық колледжінде «Уақыт. Кезең. Адамдар» атты дөңгелек үстел өткізді. Дөңгелек үстелдің  маңыздылығы – қоғам өміріне қосқан үлесі мол ардагерлер мен қарттарға құрмет көрсетіп, зор еңбектері үшін алғыс білдіру.

Дөңгелек үстел жиыны біткеннен кейін қариялар мен ақ жаулықты әжелерді «Чосон» этномәдени бірлестігі Ақтау қаласындағы белді мейрамханалардың бірінде мерекелік дастархан әзірлеп, қарсы алды. Бірлестік өкілдері оларға жылы лебіз-тілектерін айтып, кішілерге көрсеткен ізеттілігі үшін бастарын иді. Сонымен қатар, Ақтау студенттері ән салып, түрлі музыкалық аспаптарда ойнап, өлең шумақтарын мәнерлеп оқыды. Қарттар зор ықыласқа бөленіп, қөңілді отырды. Дастархан басында олар да ән шырқап, жастық шақтарын еске алды.

«Чосон» этномәдени бірлестігінің төрайымы Раиса Ивановна Маденова қарттарға арнап өлең жолдарын оқыды. Ұзақ өмір мен мықты денсаулық тіледі. Жастарға олардан үлгі алу керектігін, қашанда құрмет тұтып, парасаттылықты үйренуді ескертті. 

Кейін қарай