2017 жылғы 24 қараша күні Астана қаласы ҚР Президентінің жанындағы Мемлекеттік басқару академиясының ғимаратында Н.Ә.Назарбаевтың қоғамдық келісім мен жалпы ұлттық бірліктің қазақстандық моделіне арналған үздік ғылыми жобалардың республикалық конкурсының қорытынды кезеңі өткізілді.

Конкурстың қорытынды кезеңіне Қазақстан халқы Ассамблеясы Хатшылық меңгерушісінің орынбасары Л.Прокопенко,  ҚР Президенті жанындағы «Қоғамдық келісім» РММ-ның директоры А.Тараков, ҚХА мүшелері, еліміздің аймақтарынан ғалымдар мен зерттеушілер, сондай-ақ 35 жасқа дейінгі жас ғалымдар, жоғары оқу орындары мен ғылыми–зерттеу орталықтарының докторанттары мен қызметкерлері, ғылыми–сарапшылық қауымдастықтардың өкілдері қатысты.

Конкурстың мақсаты – білімнің салтанат құруын нығайту, қоғамдық сананы жаңғыртуда жалпыұлттық бірлік пен қоғамдық сананың қазақстандық моделін дамытуда тың идеялар мен жаңа көзқарастарды іздестіру. 

Сағат 15.00-16.45 аралығында республикалық іріктеуден өткен ғылыми жобалар сарапшылық комиссия алдында таныстырылып, қорғалды. Жеңімпаздар анықталып, дипломдармен және бағалы сыйлықтармен марапатталды.

Іс-шараны ұйымдастырушылар: Қазақстан халқы Ассамблеясы және ҚР Президентінің жанындағы Мемлекеттік басқару академиясы Орталық Азия өңіріндегі этносаралық және конфессияаралық қатынастарды зерттеу орталығы.

Дата события ассамблеи: 26.11.2017

Кейін қарай