Өзбекістаннан келген делегация Көкшетау қаласының «Қоғамдық келісім» КММ аралады

Өзбекстан денсаулық сақтау министрлігінің делегациясы іскери сапармен Ақмола облысына келді. Көкшетау қаласына дейін делегация қатысушылары Алматы және Астана қалаларын аралады. Қонақтар Республикамызда 28-қыркүйектен 3-қазан аралығына дейін болды.  
Кездесу бағдарламасы бойынша делегация қонақтарын Ақмола облысы денсаулық сақтау басқармасының басшысымен кездестіру, облыстық туберкулезге қарсы диспансерді, №1 емхананы аралату, «Луч надежды» және «Прометей» үкіметтік емес бірлестіктердің өкілдерімен кездестіру жоспарланды. Бірлестіктердің өкілдерімен кездесу «Қоғамдық келісім» КММ (Қоғамдық келісім сарайы) конференция-залында өткізілді
Ұйымдастырылған дөңгелек үстелдің барысында делегацияға қатысушылар  Өзбекстан Республикасы денсаулық министрлігінің өкілдері: дәрігер Абдунумон Сидиков, сыртқы экономикалық қызмет басқармасының басшысы Наргиза Парпиева, ӨР бас фтизиатры Назимжан Муминов, «Соглом авлод учун» атты халықаралық үкіметтік емес қайырымдылық қордың атқарушы директоры Дильрабо Ульмасова, Өзбекстандағы ВОЗ  өкілдігінің ұлттық қызметкері, туберкулез бойынша қызметкер Ақмола облыстық туберкулезге қарсы диспансердің бас дәрігері Айман Темірханқызымен мекеме жұмыстарының негізгі бағыттарын талқылап өтті. 
Бұдан басқа, Өзбекстаннан келген арнайы қонақтар үшін Қазақстан халқы ассамблеясының Ақмола облысы бойынша жұмыс жүргізетін этномәдени бірлестіктер мен түрлі ассоциациялар орналасқан келісім Сарайын таныстыру экскурсиясы өткізілді. «Ақмола облысының өзбек ұлттық мәдени орталығы» қоғамдық бірлестігінде қонақтар медицина қызметкерлеріне ұлттық кәдесыйлар сыйлаған орталық ақсақалдарымен кездесті.    
«Қоғамдық келісім» КММ кездесу этносаралық қарым-қатынастың шеңберінде басталған сұхбатты жалғастыру және тәжірбие алмасу ұсынысымен аяқталды.

 

Кейін қарай