3 ақпанда Астана қаласының Достық үйінде Одилжон Саттаров бастаған "Ватандошлар" қоғамдық қоры делегациясының Астана қаласы өзбек этномәдени орталығының активімен кездесуі өтті. Кездесуге, сондай-ақ, қалалық Ішкі саясат басқармасы басшысының орынбасары Ләззат Құсайынова, Парламент Сенатының депутаты Әлішер Сатвалдиев қатысты.

Өзбек этномәдени бірлестігінің төрағасы Шерзод Пулатов модераторлық еткен жиында тараптар бауырлас екі ел арасындағы ынтымақтастықты дамыту, этносаралық келісімді шаралары, этномәдени бірлестіктермен және қоғамдық қорлармен бірлесе жұмыс істеу мәселелерін талқылап, өзара пікір алмасты. Сондай-ақ қонақтар қалалық Қазақстан халқы Ассамблеясының қызметімен танысып, Достық үйінде арнайы ұйымдастырылған экскурсияны тамашалады. Кездесу барысында қордың өзбек тілі мен мәдениетін дамытуға қосқан үлесі үшін этномәдени орталық атынан ұйым өкіліне алғыс хат пен ұлттық кәдесый табыс етілді.

Атап өтер болсақ, «Ватандошлар» қоғамдық қорының мақсаты – шет елдерде тұратын отандастарды өз тарихи отаны төңірегіне біріктіру, олардың жүрегінде елге деген мақтаныш сезімі мен патриотизмді нығайту, ұлттық ерекшелікті сақтау, отандастарды және олар құрған түрлі білестіктерге қолдау көрсету.

я

Кейін қарай