Бүкіл елдегі сияқты Павлодар өңірінде де 18 мамыр күні сағат 11.00-де этномәдени бірлестіктері мен  жастар ұйымдарының өкілдері, мемлекеттік және азаматтық қызметкерлер, қоғам қайраткерлері, студенттер, жалпы ниет білдірген тұрғындардың қатысуымен  «Мәңгілік Ел»  патриоттық  актісіне арналған жалпықазақстандық ашық диктант болып өтті.

Диктант қорытындысы мынадай: облыс бойынша қатысушылардың жалпы саны 18659 адамды құрады, оның ішінде 193 этномәдени бірлестіктердің мүшелері, 166 қоғамдық қайраткерлер, 991 мемлекеттік қызметкерлер, 863 колледждер мен жоғарғы оқу орындарының студенттері, 15230 мектеп оқушылары  және  1216 тағы да басқа қатысушылар  болып табылады.

Павлодар қаласын ғана алғанның өзінде, мәдениет саласына қарасты 26 мекемеде, оның ішінде 21 кітапхана, қалалық 42 мектепте, Павлодар мемлекеттік педагогикалық институты мен С. Торайғыров атындағы Павлодар мемлекеттік университеті, мемлекеттік қызметкерлерінің біліктілігін арттыру орталығында, «Қоғамдық келісім» КММ-де ашық диктант алаңдары жұмыс істеді.

Ашық диктант өткізілген әр алаңда, берілген ережеге сай, ашық диктантқа қатысушылардың сауатты жазуын тексеру бойынша комиссия бекітіліп, диктант мәтінін оқитын жоғары санатты филолог ұстаздар іріктелді.

2016 жылғы 26 мамыр күні диктанттың қорытындысы ретінде, аталмыш іс-шараны ұйымдастыруда белсенділік танытқан және диктантты жазудан жоғары нәтиже көрсеткен қатысушыларды марапаттау рәсімі өтеді.

Айтпаев Мақсат

Кейін қарай