Қазақстан халқы Ассамблеясы

11 Тамыз, 2021

61

Қарағандыда Абай күніне арналған «Сөнбес сәуле» акциясы ұйымдастырылды

Қарағанды облысы ҚХА «Жаңғыру жолы» жастар қозғалысының өкілдері мен волонтерлері Абай күніне арналған «Сөнбес сәуле» акциясын өткізді.

Жастар сауда орталықтарында ұлы ойшылдың қара сөздері жазылған құттықтаулар мен тәттілер таратты. Тұрғындар болса, Абайдың өлеңдерін жатқа айтып, әндерін шырқады.


10 тамызда қазақтың ұлы ақыны, ағартушысы Абай Құнанбаевтың туғанына 176 жыл толды. Осыдан бір жыл бұрын Қазақстанда жаңа мереке – Абай күні бекітілген еді.

«Мемлекет Басшысы Қасым-Жомарт Тоқаев «Абай және ХХІ ғасырдағы Қазақстан» атты мақаласында Абайды тану – адамның өзін-өзі тануы. Адамның өзін-өзі тануы және үнемі дамып отыруы, ғылымға, білімге басымдық беруі – кемелдіктің көрінісі. Осыған орай, Абай сөзі ұрпақтың бағыт алатын темірқазығына айналуы қажет» деген еді.
Абай мұрасы - халықтың бірлігі мен тұтастығына апаратын жол. Оның шығармалары әрбір жас ұрпақтың өз халқына, еліне және жеріне деген патриоттық сезімін оятады. Біздің акцияның мақсаты - Абай шығармашылығын қала тұрғындары арасында насихаттау. Біз әрбір адам осы өлен жодарынан өзі үшін өте маңызды қанатты сөздер табатынына сенімдіміз», - деп бөлісті Ассамблея жастары.

Кейін қарай