2015 жылғы 13 қарашада Қазақстан халқы Ассамблеясының Маңғыстау облыстық хатшылығы, Маңғыстау облысы әкімі аппаратының «Қоғамдық келісім» коммуналдық мемлекеттік мекемесінің қызметкерлері мен этномәдени бірлестік басшылары М.Тынышпаев атындағы Қазақ көлік және коммуникациялар академиясының Ақтау көлік колледжінің студенттерімен кездесті.

2015 жылғы 13 қарашада Қазақстан халқы Ассамблеясының Маңғыстау облыстық хатшылығы, Маңғыстау облысы әкімі аппаратының «Қоғамдық келісім» коммуналдық мемлекеттік мекемесінің қызметкерлері мен этномәдени бірлестік басшылары М.Тынышпаев атындағы Қазақ көлік және коммуникациялар академиясының Ақтау көлік колледжінің студенттерімен кездесті.

Кездесуге ҚХА мүшелері, мемлекеттік мекемелер, этномәдени бірлестіктер мен БАҚ өкілдері, жастар қауымы қатысты.

Кездесу аясында Қазақстан халқы Ассамблеясының 20 жылдығы мен Қазақ хандығының 550 жылдығына байланысты тақырыптар қозғалды.

Іс-шара барысында Қазақстан халқы Ассамблеясының Маңғыстау облыстық хатшылығының меңгерушісі Гүлжан Исмурзина Қазақстан халқы Ассамблеясының құрылу тарихына тоқталды. «Қазақстан халқы Ассамблеясы – бұл Қазақстандық толеранттылық үлгісі. Сонымен қатар, Қазақстан халқы Ассамблеясы - рухани келісім мен мәдениетінің негізгі қағидасы. Қазақстан халқы Ассамблеясы бұл біз яғни, 17 млн қазақстандық. Ассамблея бүгінде келісім мен бірлік жолында аянбай еңбек етуде», деді ол өз сөзінде.

Жиын барысында сөз сөйлеген этномәдени бірлестік басшылары жастарды түрлі жат істерден аулақ болып, еліміздің алға басуы мен өрлеуіне үлестерін қосуға шақырды.

Іс-шараға қатысушы жастар өздерінің көкейтесті сұрақтарын қойып, оған тұшымды жауап ала алды.

МОӘА «Қоғамдық келісім»КММ баспасөз қызметі

Кейін қарай