Қазақстан Республикасының Президенті Н.Ә. Назарбаевтың Вашингтон қаласында өткен Ядролық қауіпсіздік жөніндегі ІV саммитте жариялаған «Әлем. ХХІ ғасыр» манифесін ілгерілетуді қамтамасыз ету мақсатында елімізде Қазақстан халқы Ассамблеясының «Ақ орамал» республикалық акциясы бастау алды.

2016 жылғы 8 тамызда «Ақ орамал» республикалық акция аясында Көкшетау қаласының 5510-әскери бөлімінде ҚР ІІМ Ұлттық ұланның ақмолалық сарбаздары, Ақтөбе қаласындағы терроризмге қарсы күреске қатысқан Денис Чернышев пен Артем Авдеевтің аналарына құрмет көрсету іс-шарасы өткізілді.

Қазақстан халқы Ақмола Ассамблеясы хатшылығының меңгерушісі Марал Қажыкенқызы Жақыпова мен Қазақстан халқы Ақмола Ассамблеясы Аналар кеңесінің төрайымы Зере Еспайқызы Киікова құттықтау сөз сөйледі.

Әскери қызметкерлердің анасы Ирина Владимировна мен Марина Михайловнаға жер бетіндегі бейбітшіліктің нышаны ретінде ақ орамал сыйға тартылып, сондай-ақ естелік сыйлықтар да табыс етілді. «Қоғамдық келісім» КММ қолдауымен Денис Чернышев пен Артем Авдеевқа компьютер берілді.

«Ақ орамал» республикалық акциясына Көкшетау қаласының «Достар» мәдениет сарайының шығармашылық ұжымдары мен орындаушылары атсалысып, іс-шараны концерттік бағдарламамен одан әрі әрлендіре түсті. 

Кейін қарай