Қазақстан халқы Ассамблеясы

23 Желтоқсан, 2021

67

Көкшетауда өткен отырыста медиацияның қоғамдағы рөлі туралы сөз болды

Көкшетауда «Қоғамдық келісім» КММ-де Қазақстан халқы Ақмола ассамблеясы жанындағы медиация кеңесінің отырысы өтті. Оған кәсіби және қоғамдық медиаторлар қатысты.

Өзінің құттықтау сөзінде «Қоғамдық келісім» КММ басшысы Е. Б. Нұғманов медиацияның жанжалдарды шешудің тиімді және қарқынды дамып келе жатқан құралы ретіндегі рөлін атап өтті, оның басты міндеті жанжалға қатысушы тараптар арасындағы дауларды сотқа дейін реттеу болып табылады.

Достық үйінің талдау және мониторинг бөлімінің бас сарапшысы А. Б. Сванкулова өз баяндамасында «Қоғамдық келісім» КММ, оның жеке немесе заңды тұлғалардың қатысуымен туындайтын азаматтық, еңбек, отбасылық және өзге де дауларды шешу бойынша медиация кабинетінің жұмысы туралы айтып берді. Мекеме жыл бойы қоғамдық медиаторлардың білімі мен дағдыларының деңгейін арттыру үшін судьялардың, кәсіби медиаторлардың қатысуымен 5 семинар-тренингтер, дөңгелек үстелдер, диалогтық алаңдар өткізді. Медиация институтын халық арасында дәріптеу мақсатында «Қоғамдық келісім» КММ әлеуметтік желілерінде сарапшыларды, судьяларды, психологтарды, ҚХА жанындағы билер кеңесі мен Аналар кеңесінің өкілдерін тарта отырып, медиацияны түсіндіру бойынша тікелей эфирлер тұрақты түрде өткізіліп тұрады.

Кеңес отырысында сөз сөйлеген ҚХА жанындағы медиация кеңесінің төрағасы Ж.Д. Нұржанова «Медиация туралы» ҚР Заңына енгізілген түзетулерге түсініктеме берді. Енді заң кәсіби және қоғамдық медиаторлар қызметінің, олардың құқықтары мен міндеттерінің аражігін нақты ажыратып, онлайн-медиацияны дамытуды көздейді.

Іс-шара соңында «Қазақстан халқы Ақмола ассамблеясының үздік медиаторы» байқауының жеңімпаздары «Қоғамдық келісім» КММ дипломдарымен және бағалы сыйлықтармен марапатталды.

Кейін қарай