Петропавл қаласының  Достық үйінде  2017 жылғы 25 қаңтарда Қазақстан Республикасының Президенті Н.Ә. Назарбаев бастамашылық еткен конституциялық реформаларды түсіндіру жөнінде кездесу өтті.

Іс-шараны Солтүстік Қазақстан облыстық Қазақстан халқы ассамблеясы хатшылығының меңгерушісі Наиль Салимов ашты.

Отырыс барысында этномәдени орталықтардың өкілдері, белсенділері, «Қоғамдық Келісім» КММ қызметкерлері, колледждер студенттері өзгерістерді талқылап, өз пікірлерімен бөлісті.

Биліктің тармақтарын қайта бөлу реформасы, ең алдымен қазақстандық тәжірибе мен еліміздің қажеттіліктеріне келіп тіреледі.

«Urpaq» қазақ мәдени-ағартушылық орталығының төрайымы Гүлбақша Мұсабаеваның айтуынша, мемлекеттік басқарудың мұндай үлгісі ең тиімді болып табылады және дамыған елдерде кең таралған.  Бұл істе біздің елімізде іске аспайтын біреудің тәжірибесіне еліктемейміз,  озық трендтерге сәйкес келетін өз үлгімізді құрамыз.

Солтүстік Қазақстан ассамблеясы конституциялық реформаларды түсіндіру және ұсыныстар енгізу бойынша аудандарға жол жүруді жоспарлады. Жиынға қатысушылар алдағы конституциялық реформаларды өткізуді толық қолдады және барлық қазақстандықтарды белсенді азаматтық ұстаным танытуға шақырды.

«Қоғамдық Келісім» КММ  басшысы Әсемгүл Есқожа өз сөзінде: «Аталған реформа тарихи тұрғыдан маңызды болып табылады, ең бастысы – бұл үдеріске сауатты да жауапты кірісу», деді.

Кейін қарай