Ағымдағы жылдың 4 қарашасы күні ұлттық дәстүрлерін дәріптеу мақсатында, Қарағанды облысы әкімі аппаратының «Қоғамдық келісім» КММ қолдауымен «Polonia» Қарағанды облыстық поляк қоғамының ұйымдастыруымен республикалық «KRESY-2017» байқауы өтті.

Байқауға қатысушылар Астана, Алматы, Көкшетау, Теміртау қалалары мен Чкалов, Шортанды, Первомайка, Жаңашара және Тайыншы елді мекендерінен келіп қатысты. Барлығы 43 үміткер поляк поэзиясының мәнерлеп оқу, дауыстап айту өнерінде өз қабілеттерін көрсетті. Қазылар алқасы байқаудың ең лайықты үміткерлерінің қорытындысын жария еткенге дейін, балалар «Принцесса цирка» спектаклін тамашалап қайтты.

Іс-шара жеңімпаздарға дипломдар мен сыйлықтарды табыстаумен аяқталды. Польша Республикасының Астанадағы Елшісі Селим Хазбиевич байқаудың ең кішкентай қатысушыларына және Польшаның Белхатов қаласында байқаудың финалына баратын қатысушыларға әдемі рюкзактар сыйлады.

Дата события ассамблеи: 07.11.2017

Кейін қарай