Бүкіл еліміз бойынша кітапханалар мен Достық үйлерінде мемлекеттік тілде  бір уақытта өткен «Мәңгілік Ел» жалпықазақстандық ашық диктант біздің аймақта "Достық үйінде" жалғасын тапты.  ҚР Тәуелсіздігінің 25 жылдығы аясында ұйымдастырылған іс-шараға облыс бойынша 2000-нан астам адам қатысты. ¤Олардың арасында қаладағы жоғары оқу орындарының студенттері мен мектеп оқушылары, мемлекеттік қызметкерлер және этномәдени бірлестіктердің өкілдері болды. Жалпы, "Достық үйінде" өткен диктантқа 100-ге жуық адам қатысты. Олардың ішінде әзірбайжан ұлтының өкілі Самира Абдуллаева да бар.  

Самира АБДУЛЛАЕВА: Мен өзге ұлтынан болсам да, мемлекеттік тілде диктант жазу маған аса қиын болған жоқ. Өйткені қазақ тілі менің өз тілімдей.

Мемлекеттік тілдің мәртебесін көтеру үшін атқарылып жатқан іс-шараға қатысқандардың белсенділігі жоғары. Диктантқа арналған мәтін аса көлемді емес, Мазмұны жағынан да көркем әрі патриоттық мәтін.

Маржан ЖЫЛҚЫБАЕВА - Ш.Есенов атындағы Каспий мемлекеттік инжиниринг университетінің доценті: Мақсаты - мемлекеттік тілдің мәртебесін көтеру. Балалардың, басқа да өкілдердің белсенділігі жоғары. Бұл біздің тілге деген құрмет. Қазақ тілін сауатты жазу үшін өте керемет іс-шара.

Аталған іс-шара жыл сайын ұйымдастырылады деген жоспар да жоқ емес.

МОӘА «Қоғамдық келісім»КММ баспасөз қызметі

Кейін қарай