Қазақстан халқы Ассамблеясы

17 Маусым, 2021

46

Марат Әзілханов этноБАҚ және этнотеатр өкілдерімен кездесті

Бүгін, 17 маусым күні Алматы қаласындағы Достық үйінде Қазақстан халқы Ассамблеясы Төрағасының орынбасары Марат Әзілхановтың төрағалығымен этникалық БАҚ редакторларымен және ұйғыр, корей, неміс және өзбек театрларының жетекшілерімен кездесу өтті.

Іс-шараға республикалық этномәдени бірлестіктердің жетекшілері мен жастары, этнотеатрлардың шығармашылық ұжым жетекшілері мен өкілдері, этникалық бұқаралық ақпарат құралдарының бас редакторлары мен журналистері, ҚХА мүшелері қатысты.

Кездесу барысында ҚХА-ның ХХІХ сессиясында берілген тапсырмаларды іске асыру бойынша Ассамблея мен этномәдени бірлестіктердің алдында тұрған міндеттері, республикалық этноБАҚ пен этникалық театрларының жұмыс жоспары талқыланды.

ҚХА мүшелері мен этноБАҚ өкілдері Ассамблеяны басқару құқығының Тұңғыш Президент – Елбасы Н.Ә.Назарбаевтан Президент Қ.К. Тоқаевқа берілуі маңызды саяси қорытынды болғанын тағы да атап өтті. Бұл қадам Қазақстан мен Ассамблея үшін стратегиялық сабақтастықты, этномәдени бірлестіктер үшін жаңа міндеттердің қалыптасқанын білдіреді.

М.Әзілханов: «Ақпарат және қоғамдық даму министрлігі интеркультурализм қағидаттарын ілгерілету негізінде әдістемелік ұсынымдар әзірлеу бойынша жұмыс жүргізуде», - деп атап өтті. Сондай-ақ, ҚХА Төрағасының орынбасары, қазақ тілін этникалық қарым-қатынас тіліне айналдыру үшін оны кеңінен насихаттаудың маңыздылығына баса назар аударды.

«Бұл мемлекет басшысының алға қойған міндеті, біз өзіміз үлгі көрсетуіміз керек, тіл үйрену аса қиын емес – үйренуге деген ынта болса жетіп жатыр», - деп қосты М.Әзілханов.

Сонымен қатар, кездесу барысында этноБАҚ және театрлармен өзара іс-қимылдың өзекті мәселелері бойынша бірлескен жобалардың іске асыру мәселесі талқыланды.


Кейін қарай