Қазақстан халқы Ассамблеясы

27 Сәуір, 2022

388

Мереке балаларға арналды

Бүгін №5 көру қабілеті бұзылған балалардың арнайы мектеп-интернатында Қызылорда облыстық ішкі саясат басқармасының «Қоғамдық келісім» КММ ұйымдастыруымен қайырымдылық акциясы өтті.


Балалар жылында оларға жақсылық жасау ниетін көздеген шараға неміс этномәдени бірлестігінің «Адажио» шоу орталығы мен өңірлік «Мамандандырылған күзет қызметі басқармасы» мемлекеттік мекемесі бастығының міндетін атқарушы, полиция подполковнигі Сабыр Жүнісов қатысып, қолдау білдірді.

«Қоғамдық келісім» КММ директоры Болатбек Айтбенбетов Балалар жылы аясында кезекті қайырымдылық шараның мақсаты - жас ұрпақтың бойына мейірімділік пен сүйіспеншілік ұғымдарын қалыптастыру, оларды бауырмалдыққа баулу екендігін алға тартты. Балаларды қорғау үшін денсаулық сақтау, білім беру, әлеуметтік қолдау бағытындағы шаралар дәстүрлі түрде өз жалғасын табады деді.


Ізгілікті мақсат еткен акцияда интернаттың 70-тен аса тәрбиеленушілеріне тәттіге толы себеттер мен ой өрісті дамытатын ойыншықтар табысталды. «Адажио» шоу орталығының өнерпаздары қызықты бағдарламалар ойластырып, балаларға көтеріңкі көңіл-күй сыйлады.

Кейін қарай