Ағымдағы  жылдың 21 ақпан күні Талдықорған қаласындағы оқушылар сарайында  Халықаралық ана тілі күні аясында Қазақстан халқы Ассамблеясының «Мың бала» республикалық мәдени-ағарту жобасы бастау алды.

Іс-шараға облыстық Қазақстан халқы Ассамблеясы мүшелері, облыстық білім басқармасының басшылары, «Достық үйі-Қоғамдық келісім орталығы», этномәдени бірлестіктердің төрағалары, белсенділері, Көксу, Ескелді, Қаратал аудандары мен Талдықорған қаласындағы мектептердің, оқушылары, ұстаздары, колледж студенттері, «Мың бала» жобасының 2015-2016 жылдардағы жеңімпаздары қатысты.

Жобаның бастау алғандығын облыстық Қазақстан халқы Ассамблеясы төрағасының орынбасары, хатшылық меңгерушісі Ғ.Тұрсынбай салтанатты түрде жариялады.

Облыстық білім басқармасы басшысының орынбасары Ж.Сүлейменова   өз сөзінде жобаның бағыттары, мақсаттары мен міндеттеріне тоқталды

 Іс-шара барысында «Мың бала» жобасының 2015-2016 ж. жеңімпаздары және Достық үйіндегі «Парасат» тіл жанашырлары клубының белсенді мүшелері Алина Готунок, Руслан Данил, Ким Ир Сен мемлекеттік тілде өлең оқыды. Олар осы жобаның жеңіпаздары атанғандарын мақтанышпен айтатындарын жеткізіп, барлық оқушылар мен білімгерлерді жобаға қатысуға шақырды.

Сондай-ақ, іс-шара аясында облыстық Қазақстан халқы Ассамблеясы және облыстық білім басқармасы өкілдері, ұстаздар қауымы  оқушылар сарайындағы «Мәңгілік Ел» орталығының жұмыс жоспарымен танысты.

Жобаның бастау алуына арналған іс-шара қазақ тілі мен әдебиеті пәнінің оқытушылары және этномәдени бірлестіктер өкілдерінің қатысуымен өткен «Ұлағатты әңгіме» дөңгелек үстелімен жалғасын  қорытындыланды.

Кейін қарай