Тараз қаласында "Қоғамдық келісім" КММ аясында "Отбасы мен отбасылық құндылықтарды нығайтудағы медиация қызметі " тақырыбында диалог алаңы ашылды.

Іс-шараның мақсаты - отбасы институтын бекіту және отбасылық құндылықтарды сақтау, медиация институтын отбасылық дауларда қолдану, ажырасу процестерін, отбасылық қатынастардан шығатын дауларды азайту.

Жиынға Жамбыл облысының Ақсақалдар мен Аналар кеңесінің, өңірлік "Ассамблея жастары" өкілдері қатысты.

Ашық диалогқа қатысқандар отбасында кездесетін мәселелер, құндылықтар жайлы сөз қозғап, бірқатар жайттарды талқылады.

Атап айтқанда, отбасылық мәселелерді шешудегі медиация мен Аналар кеңесінің жұмысына тоқталды. Тараз қаласы Өзбек мәдени орталығының төрағасы Абдурахман Зайнутдинов және облыстық ҚХА Ақсақалдар кеңесінің мүшесі Ыдырыс Юнусов отбасының қоғамдағы рөлі мен отбасындағы әкенің рөлі жайлы әңгіме қозғады. Ал Жамбыл облысы ҚХА Аналар кеңесінің өкілі Роза Изятова ананың отбасындағы рөліне баса назар аударды.

Жамбыл облысы әкімдігінің ІІБ "Қоғамдық келісім" КММ медиация кабинетінің жетекшісі Валентина Досыбиева отбасылық жанжалдарды шешу нысаны ретіндегі медиацияның рөлін атап өтті. Әрбір отбасында туындайтын мәселелерді шешуде арнайы белгіленген қағида жоқ. Дегенмен, оны бейбіт жолмен шешу үшін мәселенің туындау себебін анықтап, оның алдын алу шараларын жасауға болатынын алға тартты.

Іс-шара барысында өңірлік "Ассамблея жастары" қоғамдық бірлестігінің жетекшісі Хамида Тұрдыева тақырыпқа байланысты өз ойымен, бастан өткен оқиғаларымен бөлісті. Өкінішке орай, бақытты отбасы болу үшін арнайы ережелер бекітілмеген. Отбасын сақтап қалу үшін оның барлық мүшелері атсалысуы қажет. Өзара түсіністік - бақытты отбасының негізі.

#отбасы

#отбасым

#Отбасыкүні

Кейін қарай