Қазақстан халқы Ассамблеясы

03 Қыркүйек, 2021

31

Петропавлда «Салт-дәстүр» онлайн-байқауының қорытындысы шығарылды

Солтүстік Қазақстан облысының Достық үйінде Қазақстан Тәуелсіздігінің 30 жылдығына арналған дәстүрлі «Салт-дәстүр» онлайн-байқауының қорытындысы шығарылды.

Конкурстың негізгі міндеттері өңірдегі бейбітшілік пен келісімді нығайту, этностардың түрлі мәдени аспектілерін кеңінен жария ету, халық дәстүрлері мен әдет-ғұрыптарына сыйластықпен қарау мен құрметтеуді қалыптастыру және жас ұрпақ арасындағы қазақстандық патриотизмді тәрбиелеу болып табылады.

Қазылар алқасының құрамына Солтүстік Қазақстан облыстық Қазақстан халқы Ассамблеясының, ішкі саясат басқармасының белсенділері және өнер өкілдері кірді. Байқауға Солтүстік Қазақстан облысының Аққайың, Ғ.Мүсірепов атындағы, Есіл, Жамбыл, Қызылжар және Мамлют аудандарынан этномәдени орталықтар қатысты. 2021 жылғы облыстық «Салт-Дәстүр» онлайн-байқауының бас жүлдесін Аққайың ауданы Астрахан ауылдық округінің «Шаңырақ» этномәдени орталығы жеңіп алды.

Бірінші орында Ғ.Мүсірепов ауданындағы «Ынтымақ» этномәдени орталығы иеленді.

Кейін қарай