Өскеменде 21 қаңтар күні ҚР Президенті Н.Ә.Назарбаевтың Парламент Мәжілісінің 5-шақырылымын мерзімінен бұрын тарату және 20 наурызға кезектен тыс сайлауды белгілеуі туралы Жарлығын талқылауға арналған дөңгелек үстел отырысы өткізілді. Оған орай «Достық үйі – қоғамдық келісім орталығында» ШҚО Қазақстан халқы Ассамблеясы және этномәдени бірлестіктерінің төрағалары мен  белсенділері, ҒСТ мүшелері қатысты.

-  Әлемдік экономикалық дағдарыс және күрделі халықаралық жағдайда сайлау өткізу оңай емес. Оның ел жағдайына кері әсерін тигізбеу үшін Елбасының  терең ойластырып, тиісті кеңесулерден кейін шешім қабылдап отыр. Жаңарған депутаттық корпусқа білдірілген сенім халқымызды бұрынғыдан да біріктіріп, ел дамуының жаңа 25 жылдық  кезеңінде ұйыстыра түсетініне сеніміміз мол.   Сонда ғана біз сан ғасырлық арман болған «Мәңгілік елді» құра аламыз,- деп атап өтті жиын барысында сөз алған шешен-ингуш  ЭМБ төрайымы Т.А Кагерманова.

Жиында кезектен тыс өткізілгелі отырған сайлаудың  экономикалық және өзге де  салмақты тұстары сараланды. Сондай-ақ  сайлаудың өткізілуін сөз сөйлеген этномәдени бірлестіктерінің жетекшілері мен белсенділері, ҒСТ мүшелері де  қолдайтындықтарын жеткізді.

Жиында қатысушылардың бір ауыз шешімімен Елбасы Н.Ә.Назарбаевтың шешіміне қолдау көрсетілді.  

Кейін қарай