Қазақстан халқы Ассамблеясы

06 Желтоқсан, 2021

315

Түркістанда «Бейбітшілік және келісім жолымен» телевизиялық жобасының көрсетілімі болды

Түркістан қаласында «Қазақстан халқы Ассамблеясының «Бейбітшілік және келісім жолымен» телевизиялық жобасының көрсетілімі өтті.

Іс-шараға Түркістан облыстық қоғамдық даму басқармасы «Қоғамдық келісім» КММ-нің басшысы Эльмира Жанғазиева, облыстық қоғамдық даму басқармасы Қазақстан халқы Ассамблеясының хатшылығы-этносаралық қатынастар бөлімі басшысының м.а. Мадина Камеденова, сондай-ақ өңіріміздегі этномәдени бірлестіктің өкілдері және жастар қатысты.


Қараша айында Қазақстан халқы Ассамблеясының «Бейбітшілік және келісім жолымен» халықтық телеэкспедициясы Түркістан қаласында жалғасқан болатын. Телевизиялық жобаны Қазақстан халқы Ассамблеясы төрағасының орынбасары Мая Бекбаева бастап келген еді.

Экспедиция барысында Тәуелсіздіктің 30 жылында бой көтерген нысандар мен ғимараттарға, Қожа Ахмет Ясауи кесенесіне түсірілімдер жасалды, сұхбаттар ұйымдастырылды. Сондай-ақ қонақтар Визит орталыққа және «Керуен сарай» туристік кешеніне барды. Бұл ретте аталған жобаның этносаралық келісімді, қоғамдағы толеранттылықты және халық бірлігін одан әрі нығайтуда, насихаттауда мәні зор.

Бейбітшілікті, келісім мен достықты дәріптеген жиында телевизиялық жобаның жарыққа шығуына атсалысқан бірқатар азаматтар арнайы Алғыс хатпен марапатталды.

Кейін қарай