Ақтауда Қазақстан Республикасы Тәуелсіздік күніне арналған футбол мәресіне жетті. Дүбірлі додаға Маңғыстау облысындағы этномәдени бірлестіктер қатысты. 

Ақтауда Қазақстан Республикасы Тәуелсіздік күніне арналған футбол мәресіне жетті. Дүбірлі додаға Маңғыстау облысындағы этномәдени бірлестіктер қатысты.

Жүлделі орын алған командаларды марапаттау рәсіміне Қазақстан халқы Ассамблеясының Маңғыстау облыстық хатшылығының меңгерушісі Гүлжан Исмурзина, Маңғыстау облысы әкімі аппаратының «Қоғамдық келісім» коммуналдық мемлекеттік мекемесі басшысының орынбасары Рима Молдаева, этномәдени бірлестік төрағалары мен БАҚ өкілдері қатысты.

Спорттық іс-шара барысында әзербайжан этномәдени бірлестігінен құрылған «Достлуг» командасы бірінші орын алды. Ал, жүлделі екінші орынды Т.Шевченко атындағы украин этномәдени бірлестігінің командасы иеленді. Үшінші орынға грузин этномәдени бірлестігінің «Сакартвело» командасы жайғасты.

Орын алған командалардың барлығына кубоктар мен арнайы дипломдар және қаржылай сертификат табысталды.    

Іс-шара аясында Маңғыстау облыстық хатшылығының меңгерушісі Гүлжан Исмурзина футболистер мен жанкүйерлерді Тәуелсіздік күнімен құттықтады. «Біз бүгін еліміз үшін маңызды мерекелердің бірі - Тәуелсіздік күні. Осы орайда, барлығыңызға денсаулық, бақыт пен табыс тілеймін. Бірлігі жарасқан Қазақстан көркейе берсін»,- деді ол.

Ал, «Дағыстан» этномәдени бірлестігінің төрағасы Юсуп Шахшаев болса, жиналғандарға бұл жарыстың маңызын түсіндірді. «Жарыс болған соң, командалардың барлығы бірдей бас жүлде алмайды. Олар өз ойынына қарай, жүлделі орындарды бөліседі. Қазақстан Республикасы Тәуелсіздік күніне арналған бұл спорттық іс-шарада достық жеңді деп ойлаймын. Себебі, бұл жарысқа қатысқандардың барлығы өзара бірлігі мен татулығы жарасқан өзге ұлт өкілдері. Бұл жарыста маңғыстаулықтардың бірлігі ғана жеңді деп ойлаймын»

Марапаттау рәсімінен кейін барлық қатысушылар естелікке суретке түсті.

Футболға қатысқан этномәдени бірлестіктердің тізімі:

1. «Достлуг» әзербайжан этномәдени бірлестігі

2. «Самур» лезгин этномәдени бірлестігі

3. «Сакартвело» грузин этномәдени бірлестігі

4. «Дағыстан» дағыстан этномәдени бірлестігі

5. «Видергебурт» неміс этномәдени бірлестігі

6. «Ехпайрутюн» армян этномәдени бірлестігі

7. «Русское землячество» орыс этномәдени бірлестігі

8. «Пахтакор» өзбек этномәдени бірлестігі

9. «Вайнах» шешен-ингуш этномәдени бірлестігі

10. «Алан» осетин этномәдени бірлестігі

11. «Булгар» татар этномәдени бірлестігі

12.  Т.Г. Шевченко атындағы украин этномәдени бірлестігі 

МОӘА «Қоғамдық келісім» КММ баспасөз қызметі

Кейін қарай