Қазақстан халқы Ассамблеясы

04 Сәуір, 2022

99

Талдықорғанда Наурыз мейрамы тойланды

«Қоғамдық келісім» мекеме ғимаратының алдында бес ғасыр сақталған көне бұйымдар көрмеге қойылды. Киіз үй тігіліп, шатырлар қойылып, жастарға арнап алтыбақан құрылды. Халық әр шатырдың жанында орналасқан шеберлердің бұйымдарын, суретшілердің картиналарын, зергерлердің әшекейлерін тамашалады.


Іс-шараға Алматы облыстық ішкі саясат басқармасының басшысы Болат Керімбек, облыстық мәслихат хатшысы Жанболат Жөргенбаев, «Қоғамдық келісім» КММ директоры Серік Бимуханбетов, Талдықорған және Текелі қалаларынан, Ескелді, Кербұлақ, Қаратал аудандарынан облыстық Қазақстан халқы Ассамблеясы жанындағы құрылымдардың өкілдері қатысты.


Сахна төрінен құттықтаулар айтылып, қазақ ертегілерінің фольклорлық кейіпкері Алдар Көсе туралы шағын қойылым көрсетілді. Спорттық жарыстар ұйымдастырылып, қазақша күрес, асық ойыны, тоғызқұмалақ ойындары ойналды.



Мерекелік бағдарлама Талдықорған қаласының шығармашылық ұжымдарының концерттік қойылымдарымен жалғасын тапты. Сондай-ақ осы іс-шараны ұйымдастыруға қатысқан белсенділерді алғыс хаттармен марапаттады.

Кейін қарай