29 ақпан күні Тобыл станциясында «Мәңгілік Ел» поезын салтанатты қарсы алу рәсімі өтті, оларды ауданның басшылығы және құрметті азаматтары, ҰОС ардагерлері, этномәдени бірлестіктер филиалдарының жергілікті өкілдері, мектеп және колледж оқушылары Қазақстан Тәуелсіздігіне арналған бейбітшілік және барлық этнос өкілдері арасындағы келісімді нығайтуға арналған  ұрандармен қарсы алды.

«Мәңгілік Ел» поезды аясында Тобыл ауылы әкімі аппаратында Қоғамдық келісім кеңесінің қоғамдық қабылдау жұмысы ұйымдастырылды. Азаматтарды қабылдауды Әлпейісов Ә.Қ., Қазкенов К.М., Денисенко Ю.О., Мұханбетқалиев Е.Е., Дүйсенбиев А.К., Мартиросян Р.Х., облыстық Қазақстан халқы Ассамблеясы хатшылығының меңгерушісі Құдайқұлова Г.Ж. және аудандық Қоғамдық келісім кеңесінің төрағасы Сероус И.И жүргізді. Одан кейін Тобыл орта мектебінде жергілікті тұрғындар үшін «Қазақстандық этносаралық толеранттылық және қоғамдық келісім үлгісі» атты лекцияның тұсаукесері өткізілді.

Республикалық акция өкілі, Діни ағымдағы істерден зиян шеккендерге көмек көрсету орталығы ассоциациясының директоры Юлия Денисенко мемлекеттік этносаясат, қоғамдық келісімді қалыптастыру, толеранттылық мәдениеті және этносаралық карым-қатынас мәселелері бойынша семинар-тренинг өткізді. Қатысушылар белсенді қатысып, сұрақтар қойып, түсініктемелер алып, осы тақырып бойынша өз ойларын айтты.

«Қостанай облысы әкімдігінің «Қоғамдық келісім» КММ баспасөз қызметі

Кейін қарай