Маңғыстау облыстық әмбебап кітапханасында Қазақстан халқы Ассамблеясының «Жас қанат» жастар орталығының өкілдері және «Алау»  балаларды сауықтыру орталығының тәрбиеленушілері арасында «Жазда демаламыз, бірақ кітап оқуды ұмытпаймыз!» атты жазғы кітап оқу іс-шарасы өтті. Бұл іс-шара Қазақстан Республикасы Тәуелсіздігінің 25 жылдығы, сондай-ақ, «Мың бала» жобасы аясында өтуде.

Іс-шара басында қатысушылар Қазақстан Республикасының Мемлекеттік әнұранын орындады. Біздің Республикамыздың тарихымен одан да тереңірек танысу үшін шамамен 50-ден астам лагерь тәрбиенушілері және 10-нан астам «Жас қанат» волонтерлері қатысты.

Кітапханашы  Досқалиева Әсия Нұтанқызы «Қазақстан Республикасының Тәуелсіздігі» көрме орталығының тұсаукесерін жүргізді, сондай-ақ, тәуелсіз Қазақстанның қарқынды, динамикалық даму кезеңдері туралы,  жас егемен республиканың қалыптасу тарихы туралы  және соңғы 25 жыл бойғы дамуы туралы әңгімеледі. Жастарды облыстық кітапханаға жиі келуге шақырды.

Іс-шара соңында Маңғыстау облысы әкімі аппаратының «Қоғамдық келісім» КММ қызметкерлері балалар мен жастар арасында «сұрақ-жауап» викторинасын  өткізді. Дұрыс жауап берген қатысушыларға ҚХА және Қазақстан Республикасы Тәуелсіздігінің 25 жылдық логотиптері бейнеленген бас киімдер мен футболкалар, сыйлықтар ұсынылды.

МОӘА «Қоғамдық келісім» КММ баспасөз қызметі

Кейін қарай