Қазақстан халқы Ассамблеясы

09 Мамыр, 2022

259

Қазір қоғамда тіл мәселесі белсенді талқылануда

Қазір қоғамда тіл мәселесі белсенді талқылануда. Түрлі үндеулер жарияланып, мәлімдемелер жасалуда.

Бұл мәселеде Қазақстан Халқы Ассамблеясы және оның құрылымдары толығымен Қазақстан Республикасы Президенті, ҚХА Төрағасының ұстанымын қолдайды.

Ағымдағы жылдың 29-сәуірінде өткен Ассамблеяның ХХXI-сессиясында Мемлекет басшысы "Тарих және этникалық ерекшеліктер тұрғысынан алғанда Қазақстан көптілді мемлекет. Бұл біздің артықшылығымыз. Дегенмен мемлекеттік тіл — қазақ тіл екенін есте тұтып, қазақ тілінің мәртебесін нығайту үшін шара қабылдау керек. Бірақ бұл шара өзге тілдерге зиянын тигізіп, ол тілде сөйлейтін азаматтар дискриминацияға ұшырамауы керек", — деп атап өткен еді.

Сондай-ақ, Ассамблея қызметіне қатысы жоқ ұйымдар мен жеке тұлғалардың Қазақстан Халқы Ассамблеясының логотипін рұқсатсыз пайдалануы және осы ұйымға әртүрлі үндеулер мен петицияларында сілтеме жасауы — біздің тарапымыздан қолдау таппайтын орынсыз әрекет деп мәлімдейміз!

Кейін қарай