2024 жылғы 23 мен 25 қыркүйек аралығында «Ақтөбе облысында қоғамдық қатынас саласында медиацияны дамыту» мемлекеттік гранты шеңберінде «Этносаралық қатынастардағы медиация» тақырыбында үшкүндік оқыту семинар-тренингі өтті.

Аталмыш іс-шараға спикер ретінде «Парасат» медиация және құқық орталығы» жеке меншік мекемесінің төрағасы, кәсіби медиатор, Тарих ғылымдарының кандидаты, DKU доценті (Қазақстан-Неміс университеті), «Самұрық – Қазына» АҚ медиация және медиацияны оқыту бойынша жаттықтырушысы (2012-2014 жж.), «Этносаралық саладағы қақтығыстарды реттеу» мамандандырылған оқу курсының авторы Гүлмайдан Урозбаева; психолог, «Парасат» медиация және құқық орталығының сарапшысы, педагогика және психология ғылымдарының магистрі, кәсіби медиатор Ақмарал Абдукеева қатысты.

Семинар-тренинг бағдарламасы этносаралық қатынастар саласындағы жанжалды жағдайларды кешенді зерттеу, диагностика жасау, талдау және басқаруды қамтыды. Сондай-ақ халықаралық және қазақстандық тәжірибелерге қарастырылды, этносаралық қатынастар мәселелерін реттеудегі дағдылар мен құзыреттер зерделенді. Практикалық істерді шешуге көп көңіл бөлінді.

Тыңдаушылар қатарында жергілікті атқарушы және құқық қорғау органдарының өкілдері, облыстағы қоғам жетекшілері мен этномәдени бірлестіктердің, оқу орындарының өкілдері болды.

Оқыту қорытындысы бойынша сертификаттар беріліп, кейіннен ҚХА этномедиаторлар пулына енгізу үшін этномедиаторлар анықталды.

Бұл шара Ақтөбе облысының ішкі саясат басқармасы мен «Батыс Қазақстан медиация және келіссөздер процесі орталығы» жеке мекемесінің қолдауымен өтті.

Кейін қарай