2022 жылғы 28 желтоқсанда Атырау облысы Махамбет ауданы Аналар кеңесінің ұйымдастыруымен «Ана әлдиі» байқауы өтті. Байқаудың мақсаты – бесік жыры арқылы ұлттық тәрбие негіздерін, мәдени құндылықтарымызды насихаттау.

Бесік жыры – бала тәрбиесінің бастапқы және негізгі құралы. Ол – ананың әлдиі арқылы баланың құлағына халықтың салт-дәстүрін кұйып, адамгершілік, ізгілік, даналық тағылымдарын қалыптастыратын құдіретті күш.

Байқауға отбасы құндылықтарын, ұлттық салт-дәстүрді, әдет-ғұрыпты насихаттап, тұрақты ұстанатын жан, көп балалы ана, үлкен жанұяның өнегелі келіні - Мұқамбетжанова Гүлсана Берікқызы қатысты. Ол Қосарал орта мектебінде ұстаздық қызмет атқарып, шәкірт тәрбиелеумен бірге аудандағы қоғамдық жұмыстарға белсене қатысып келеді. Үш қыз, екі ұл тәрбиелеп отырған ана балаларына бесік жырын айтудағы өз тәжірибесімен бөлісті.

Шара соңында Махамбет ауданының Аналар кеңесінің төрайымы Жібек Шамалиқызының атынан Алғыс хаттар мен естелік сыйлықтар табысталды.

Кейін қарай