Созақ – қазақ тарихында айрықша орны бар киелі өлке, алғаш исламның нұры төгілген қасиетті аймақ. Аудан шекарасынан бастау алған игілікті іс-шара Шолаққорған ауылында жалғасты.

Созақ – қазақ тарихында айрықша орны бар киелі өлке, алғаш исламның нұры төгілген қасиетті аймақ. Аудан шекарасынан бастау алған игілікті іс-шара Шолаққорған ауылында жалғасты.

Экспедиция барысында топ мүшелері «Жастар» саябағындағы Керей мен Жәнібек хандардың ескерткішіне гүл шоқтарын қойды. Аудан басшысы М.Исаев көпшілікті мерейлі мерекемен құттықтап, эспедицияның маңыздылығын айтып өтті.

Белгілі тарихшы, ақын аудармашы Дулат Тұрантегі Созақ тарихынан тағылымды әңгіме өрбітсе, топ мүшесі Ғаппар Маймақовта өз сөзінде Қазақстан халқы Ассамблея аясындағы игілікті аталмыш іс-шара Қазақстанды мекендеген ұлттар арасындағы татулықты тереңдете түсетінін айтты.

Одан әрі экспедиция мүшелері аудандық кітапхананың тыныс- тіршілігімен танысып, «Теңдессіз сый» акциясы аясында жас өрендердің мол мағлұмат алуына таптырмас құнды дүние болатын кітаптарды сыйға тартты.

Экспедицияға қатысушылардың келесі нысаны – Созақ ауылындағы елін елдікке ұйыстырған Қарабура әулиенің кесенесі. Топ мүшелері баба зиратына құран бағыштап, Хақназар ханның кесенесіне барды. Бұдан үш жыл бұрын бой көтерген кесене Созақ ауылының Қаратау беткейінде орналасқан. Тарихшылар бұл мекенді ханның жазғы жайлауы болған деседі. Өзіміз білетіндей ол қазақ елін 1538-1580 жылдары басқарып, хандар ішіндегі дипломатиялық қасиетімен ерекшелінген Башқұрт пен Қырғыз елінің ханы танылған.

Кейін қарай