Қазақстан халқы Ассамблеясы

15 Қыркүйек, 2021

38

Талдықорғанда медиаторлар үшін семинар-тренинг ұйымдастырылды

Қоғамдық медиаторлардың біліктілігін арттыру, медиация институтын дамыту мақсатында Алматы облысының «Қоғамдық келісім» мекемесінің ұйымдастыруымен ZOOM платформасында облыс медиаторлары үшін семинар-тренинг және шеберлік сыныбы өтті.

Тренинг этносаралық тұрақтылық пен қоғамдық келісімді нығайтуда интеркультурализмнің, медиацияның рөлі және Денсаулық сақтау, еңбек қатынастары саласындағы медиация бағытын дамыту тақырыптары бойынша өтті.

Қазақстан халқы Ассамблеясының жалпыхалықтық институт ретіндегі басты міндеті - қоғамдық келісімді және тұрақтылықты нығайту, Мемлекеттік және азаматтық қоғам институттарының этносаралық қатынастар саласындағы өзара іс-қимылының тиімділігін арттыру.

- Қазақстан халқы Ассамблеясын дамыту тұжырымдамасының мақсаттары ҚХА-ны одан әрі дамыту, қазақстандық патриотизм қағидаттары негізінде Қоғамдық келісім мен жалпыұлттық бірлікті қамтамасыз ету, мемлекеттік тілдің, ұлтты тұрақты жаңғыртудың, сондай-ақ интеркультурализм саясатының біріктіруші рөлі болып табылады», - деп атап өтті медиация кабинетінің жетекшісі, І.Жансүгіров атындағы Жетісу университетінің Заң ғылымдарының кандидаты, професор, жаттықтырушы-медиатор Бақыт Чингаева.

Семинар соңында қатысушылар пікір алмасып, өздерін толғандырған сұрақтарға жауап алды.


Кейін қарай