"Бүгін – ұлы Абайдың туған күні. Абайды тану үлкен ғылымның тармағы. Әрбір айтқан қара сөздерінің, өлең шумақтарының түп-тамыры қазақ қоғамының сол кездегі саяси бет-пердесін ашып көрсеткен, ұлтымыздың ұрпақтарының алдына келелі міндеттер жүктеген" - дейді Қызылорда қалалық Қоғамдық келісім кеңесінің төрағасы Сайлаубай Әбішев,

Бүгінгі Абай тойын өткізудің терең мазмұны Ұлы ойшылдың әрбір айтқан ойларын кез келген қазақ терең түсіністікпен қабылдап, болашағымыз үшін білімнің қайнар көзі ретінде ойға түйсек екен дейміз.

Осы ретте ұрпақтарымыздың нағыз ақыл-ойдың қайнар көзі Ұлы Абайдың өлең жолдарынан сусындап білім нәрін бойымызға сіңірсек, ұлтымыздың биік тұлғасын мәңгілікке қалыптастыруда дархан ойдың қас шебері Ұлы Абайдың халқының перзенттеріне арнап жазған қара сөздерінің мазмұны мен мағынасына терең талдау жасап, ойбөліссек: «Біз қазір кімбіз? Халықаралық қауымдастықтың ортасындағы тұлғалы елдің перзенттеріне лайықтымыз ба? Өз орнымызды тапқан, жұрт мойындаған ұлт өкілдеріміз бе? Ел бірлігін сақтап, мәңгілік елдің ірге тасын қалауға бір кісідей атсалысқан Абай атамыз арман тұтқан халықтың өкіліміз бе?» деген сұрақтар туындап отырғанын әрбір азамат түсінеді, ел сенімін арқалаған ардагерлер осыған жауап іздеудеміз. Ұлы Абай қазақ халқымен бірге мәңгілік жасайды.

Кейін қарай